ஒரே ஒரு கேள்விதான்னே கேட்டேன்

ஒரே ஒரு கேள்விதான்னே கேட்டேன் அதுக்கு போய் இப்ப ஒழுங்கா போறியா இல்லை சுடுதண்ணியை மூஞ்சுல ஊத்தவா அப்படிங்கறார் அந்த டீக்கடைகாரர்.
அப்படி என்னதாண்டா கேட்ட??
பால் விலை பத்து ரூபாய்தானே ஏறிருக்கு ? நீங்க டீ இரண்டு ரூபா ஏத்திருகிங்க- அப்ப ஒரு லிட்டர் பாலுக்கு தண்ணி எதுவும் ஊத்தாம அஞ்சு டீதான் போடுறீங்களா. அப்படின்னு கேட்டேன்.

தம்பி!!!!!! பால் விலை மட்டும் இல்லைடா சர்க்கரை விலையும் ஏறிருக்குடா, அதுவும் காரணமாய் இருக்கலாமில்லை.
நீங்க சொல்லுறது சரிண்ணே , ஒரு கிலோவுக்கு 5 ரூபா ஏறிருக்கு , ஆனா இவங்க ஒரு டீக்கு அதிகமே 5 கிராம் சர்க்கரை தான் போடுறாங்க , 5 கிராமுக்கு அதிகமா 20 பைசா கூட வாங்கலாம் , இதுல பாதி பேரு எனக்கு சுகரு '' சர்க்கரை இல்லாம டீ போடு '' இல்லைன்னா சர்க்கரை கம்மியா ஓர் டீ போடு அப்படின்னு சொல்லுறாங்க - இதெல்லாம் கணக்கு போட்டா சர்க்கரைக்கு 10 பைசா தான்னே ஏத்தி இருக்கனும் ...
என்னதான் கொள்ளை கணக்கு போட்டாலும் - ஓர் டீக்கு 50 பைசா மேல விலை கூட வைக்கலாம் - ஆனால் இவங்க 2 ரூபா போட்டு 1.50 எக்ஸ்ட்ரா கொள்ளை அடிக்கிறாங்க ..
நீ சொல்லுறது ஓரளவுக்க சரி - ஆனால் கேஸ் சிலிண்டெர் விலை ஏறிருக்கு , அதை நீ பார்க்கணும் இல்லை ?
போங்கண்ணே உங்களுக்கு விசயமே தெரியலை , 6 மாசத்துக்கு முன்னாடி கேஸ் விலை எறிருக்குன்னு அப்பவே ஒரு ரூபாய் டீ விலை ஏத்திட்டாங்க.
இப்ப நான் என்ன செய்யணும் ?
இதுக்கு இன்னிக்கே ஒரு பைசல் பண்ணனும் , வாங்கன்னே டீ கடைகாரன்கிட்ட நியாயம் கேட்க போகலாம்
எதுக்குடா என்மேல சுடுதண்ணி ஊத்தவா ? போய் வேற பொழப்பு இருந்தா பார்க்கலாம் ,
இப்பவும் இந்த விலைவாசி பிரச்சனைல தரமான டீ 7 ரூபாய்க்கு கொடுக்கிற நியாயமான கடை நிறைய இருக்கு . அவங்களை தேடி புடிச்சி அவங்களை ஆதரிக்கலாம் வா